Sa Bukid Nga Bulawan
nunot sa pagkatkat sa taas
nga bungtod ug paglabang
sa suba nga galikos-likos
sama sa sawa
nadan-agan na gyod
ang payag ni anding
nga nagpatunga ug
gipailawman sa kakahoyan
nag-andam na diay silang tanan
sa iyang banay ug nagdukdok
ang iyang anak nga lalaki
sa dako nga agong
ug misayaw
ang iyang anak nga dalaga
samtang giihaw
ang usa ka itom nga baboy
nagluto sila og dinuguan
nag-adobo og naglata
sa upat ka tiil og naggisa
sa mga lumo og unod
pagkahapon atubang sa
adlaw nga talisalop na
nanglingkod kami alirong sa talad
ug gatagay dayon sa tuba
nagsultianay kami
kabahin sa akong tuyo
kabahin sa iyang utang
nga dugay na kaayo
nga wala niya nabayri
gidugangan niya og tagay
daghang baso pa
daghan pang sumsoman
nga sinugbang baboy
hangtod nga kaming
duha nangahubog
hangtod nakalimtan
ang utang hangtod
wala na mahisgoti
ang pagkobra sa bahin
sa saging sa yuta
[...] Read more
poem by Ric S. Bastasa
Added by Poetry Lover
Comment! | Vote! | Copy!
